اقرار کوئی اور نہ انکار چپ رہو — امیر امام
شاعر
اقرار کوئی اور نہ انکار چپ رہو
اقرار کوئی اور نہ انکار چپ رہو
بے سود ساری گرمئ گفتار چپ رہو
الفاظ بزدلوں کے ہیں ہتھیار ساتھیو
دونوں طرف ہے ہاتھ میں تلوار چپ رہو
چاہے تم اس کو روز گراؤ تمام عمر
تعمیر روز ہوگی یہ دیوار چپ رہو
فلموں میں جنگ دیکھی ہے اس نسل نے ابھی
سچ مچ بھی دیکھ لینے دو اک بار چپ رہو
تم شاعری کرو یہ تمہارا نہیں ہے کام
یہ طے کریں گے فوج کے سردار چپ رہو
آنکھوں میں غیظ شکل پہ سختی بھنووں میں بل
دیکھو بگڑ بھی سکتے ہیں سرکار چپ رہو
کہہ دو امیر امامؔ سے کوئی نہیں حصول
ہے میر صاحبی ابھی بے کار چپ رہو
امیر امام
Iqraar koi aur na inkaar chup raho
Iqraar koi aur na inkaar chup raho
Be-sood saari garmi-e-guftaar chup raho
Alfaaz buz-dilon ke hain hathiyaar saathiyo
Donoñ taraf hai haath mein talwaar chup raho
Chaahe tum us ko roz girāo tamām umar
Ta'meer roz hogi ye deewaar chup raho
Filmon mein jang dekhi hai is nasl ne abhi
Sach much bhi dekh lene do ik baar chup raho
Tum shayari karo ye tumhara nahin hai kaam
Ye tai karenge fauj ke sardaar chup raho
Aankhon mein ghaiz shakal pe sakhti bhunwon mein bal
Dekho bigaṛ bhi sakte hain sarkaar chup raho
Keh do Ameer-e-Imam se koi nahin husool
Hai Mir Sahabi abhi be-kaar chup raho
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں