اس میں ساری صفات پھولوں کی — امیر امام
شاعر
اس میں ساری صفات پھولوں کی
اس میں ساری صفات پھولوں کی
اس کی ہر بات بات پھولوں کی
جسم اس کا جلوس کلیوں کا
اس کا چہرہ برات پھولوں کی
ان لبوں پر تمام ہوتی ہے
سرحد ممکنات پھولوں کی
اپنی اک پھول جیسے چہرہ سے
روز ہوتی ہے بات پھولوں کی
رکھ کے پھولوں کو رخ پہ فرمایا
ایسے ہوتی ہے مات پھولوں کی
میر محفل ہے ہجر کی خوشبو
اور خوشبو ہے ساتھ پھولوں کی
رنگ آنکھوں میں رہ گئے لیکن
آئی خوشبو نہ ہاتھ پھولوں کی
امیر امام
Is mein saari sifaat phoolon kī
Is mein saari sifaat phoolon kī
Is kī har baat, baat phoolon kī
Jism us kā juloos kaliyon ka
Us kā chehra baraat phoolon kī
In laboñ par tamaam hotī hai
Sarhad-e-mumkinaat phoolon kī
Apni ek phool jaise chehre se
Roz hotī hai baat phoolon kī
Rakh ke phoolon ko rukh pe farmaya
Aise hotī hai maat phoolon kī
Meer-e-mehfil hai hijr kī khushboo
Aur khushboo hai saath phoolon kī
Rang aankhoñ mein reh gaye lekin
Aaī khushboo na haath phoolon kī
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں