جو ڈوبا تھا وہی سورج ابھرنے کے لئے ہے — امیر امام
شاعر
جو ڈوبا تھا وہی سورج ابھرنے کے لئے ہے
جو ڈوبا تھا وہی سورج ابھرنے کے لئے ہے
یہ دنیا ہر قدم حیران کرنے کے لئے ہے
اگر ہے شوق اڑنے کا تو جاؤ آسماں میں
زمیں والو زمیں تو پاؤں دھرنے کے لئے ہے
حفاظت کرتے کرتے شاخ سے گر جائے ہر گل
مگر خوشبو ہواؤں میں بکھرنے کے لئے ہے
یہ جو اک رنگ باقی ہے مری آنکھوں میں اب تک
نہ جانے کون سے خوابوں میں بھرنے کے لئے ہے
مری تنہائی میں آؤ اور اپنے عکس دیکھو
یہ آئینہ تمہارے ہی سنورنے کے لئے ہے
کبھی منزل ہوا کرتا تھا روز اک راستے کی
جو دل اب راستہ ہے اور گزرنے کے لئے ہے
امیر امام
Jo ḍooba tha wahi suraj ubharne ke liye hai
Jo ḍooba tha wahi suraj ubharne ke liye hai
Yeh duniya har qadam hairan karne ke liye hai
Agar hai shauq uṛne ka to jaao aasman mein
Zameen walo zameen to paaon dharne ke liye hai
Hifazat karte karte shakh se gir jaaye har gul
Magar khushboo hawaon mein bikharne ke liye hai
Yeh jo ek rang baqi hai meri aankhon mein ab tak
Na jaane kaun se khwabon mein bharne ke liye hai
Meri tanhai mein aao aur apne aks dekho
Yeh aaina tumhare hi sanwarne ke liye hai
Kabhi manzil hua karta tha roz ek raaste ki
Jo dil ab rasta hai aur guzarne ke liye hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں