جو جگنوؤں کی چمک شرمسار کرتی رہی — امیر امام
شاعر
جو جگنوؤں کی چمک شرمسار کرتی رہی
جو جگنوؤں کی چمک شرمسار کرتی رہی
ہوا چراغوں کا اس شب شکار کرتی رہی
تھا ریگزار خموشی کا دل سے ہونٹھوں تک
تو وہ سدا اسی صحرا کو پار کرتی رہی
سبھی رموز بہ تفصیل موت نے کھولے
یہ زندگی تو سدا اختصار کرتی رہی
ہیں کتنے اشک مرے اور کتنے تارے ہیں
بہ وقت صبح شب غم شمار کرتی رہی
کبھی جو ہوگی نہ پوری اسی امید کی لو
شب سیاہ کی فوجوں پہ وار کرتی رہی
خزاں کے بعد وہ اتری تھی میرے آنگن میں
تو انتظار خزاں کا بہار کرتی رہی
امیر امام
Jo jugnuon ki chamak sharmsaar karti rahi
Jo jugnuon ki chamak sharmsaar karti rahi
Hawa charaghon ka is shab shikar karti rahi
Tha reghzar-e-khamoshi ka dil se honthon tak
To woh sada usi sahra ko paar karti rahi
Sabhi ramooz ba tafseel maut ne khole
Yeh zindagi to sada ikhtisar karti rahi
Hain kitne ashk mere aur kitne taare hain
Ba waqt-e-subh shab-e-gham shumar karti rahi
Kabhi jo hogi na poori usi umeed ki lau
Shab-e-siyah ki faujon pe waar karti rahi
Khazan ke baad woh utri thi mere angan mein
To intizar-e-khazan ka bahar karti rahi
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں