کبھی دیکھا نہیں تم کو — امیر امام
شاعر
کبھی دیکھا نہیں تم کو
کبھی دیکھا نہیں تم کو
ہمیشہ سے فقط آواز بن کر میری آنکھوں میں اترتی ہو
گزرتی ہو مرے دل سے
مگر اس فون سے ہو کر گزرتی ہو
کبھی دیکھا نہیں تم کو
چلو یہ فرض کر لو
جیسے تم کو دیکھتا ہے کوئی
اور وہ کیسے دیکھتا ہے
آج یہ مجھ کو بتاؤ تم
ان آنکھوں سے مجھے خود کو دکھاؤ تم
میں دیکھوں گا کہ وہ آنکھیں
تمہارے جسم میں کیسے نہاتی ہیں
میں دیکھوں گا کہ وہ آنکھیں
تمہاری بے کرانی کو بھلا کیسے سماتی ہیں
میں دیکھوں گا کہ وہ آنکھیں
تمہارے جسم کے ہر جوڑ سے
کس طرح جڑتی ہیں
ڈھلانوں پر پھسلتی ہیں وہ کیسے
پھر سنبھلتی ہیں وہ کیونکر
اور موڑ آتے ہیں تو کس طرح مڑتی ہیں
ان آنکھوں کی زبانی داستاں اپنی سناؤ تم
مجھے خود کو دکھاؤ تم
کہ تم کو دیکھنے کی آرزو نے
ان آنکھوں کا گریباں چاک کر ڈالا
وہ سل جائے
مجھے آرام مل جائے
امیر امام
Kabhi dekha nahin tum ko
Kabhi dekha nahin tum ko
Hamesha se faqat aawaaz ban kar meri aankhon mein utarti ho
Guzarti ho mere dil se
Magar us phone se ho kar guzarti ho
Kabhi dekha nahin tum ko
Chalo ye farz kar lo
Jaise tum ko dekhta hai koi
Aur woh kaise dekhta hai
Aaj ye mujh ko batao tum
In aankhon se mujhe khud ko dikhao tum
Main dekhoon ga ke woh aankhen
Tumhare jism mein kaise nahatein hain
Main dekhoon ga ke woh aankhen
Tumhari be-kirani ko bhala kaise samatein hain
Main dekhoon ga ke woh aankhen
Tumhare jism ke har jod se
Kis tarah judtin hain
Dhalaanon par phisalti hain woh kaise
Phir sanbhalti hain woh kyunkar
Aur mod aate hain to kis tarah mudtin hain
In aankhon ki zubaani daastaan apni sunao tum
Mujhe khud ko dikhao tum
Ke tum ko dekhne ki aarzoo ne
In aankhon ka garebaan chaak kar daala
Woh sil jaaye
Mujhe aaraam mil jaaye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں