کبھی تو بنتے ہوئے اور کبھی بگڑتے ہوئے — امیر امام
شاعر
کبھی تو بنتے ہوئے اور کبھی بگڑتے ہوئے
کبھی تو بنتے ہوئے اور کبھی بگڑتے ہوئے
یہ کس کے عکس ہیں تنہائیوں میں پڑتے ہوئے
عجیب دشت ہے اس میں نہ کوئی پھول نہ خار
کہاں پہ آ گیا میں تتلیاں پکڑتے ہوئے
مری فضائیں ہیں اب تک غبار آلودہ
بکھر گیا تھا وہ کتنا مجھے جکڑتے ہوئے
جو شام ہوتی ہے ہر روز ہار جاتا ہوں
میں اپنے جسم کی پرچھائیوں سے لڑتے ہوئے
یہ اتنی رات گئے آج شور ہے کیسا
ہوں جیسے قبر پہ پتھر کہیں اکھڑتے ہوئے
امیر امام
Kabhi to bante hue aur kabhi bigadte hue
Kabhi to bante hue aur kabhi bigadte hue
Ye kis ke aks hain tanhaiyon mein padte hue
Ajeeb dasht hai is mein na koi phool na khaar
Kahan pe aa gaya main titliyan pakadte hue
Meri fizayen hain ab tak ghubaar-aalooda
Bikhar gaya tha woh kitna mujhe jakadte hue
Jo shaam hoti hai har roz haar jaata hoon
Main apne jism ki parchhaiyon se ladte hue
Ye itni raat gaye aaj shor hai kaisa
Hoon jaise qabr pe patthar kahin ukhadte hue
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں