کیسے چراغ اب تو شرارہ کوئی نہیں — امیر امام
شاعر
کیسے چراغ اب تو شرارہ کوئی نہیں
کیسے چراغ اب تو شرارہ کوئی نہیں
خوش ہے ہوا کہ شب میں ہمارا کوئی نہیں
کیسی عجیب جنگ لڑے جا رہے ہیں ہم
جیتا جسے کوئی نہیں ہارا کوئی نہیں
منزل ہے تیری شام کے سایوں کے ہم سفر
یہ آسماں کہ جس پہ ستارہ کوئی نہیں
وہ دن ہے جس کو چھوڑ کے سورج چلا گیا
وہ رات ہے کہ جس کا کنارہ کوئی نہیں
اس سرزمیں پہ اشک بہانے سے فائدہ
جس سرزمیں کو خون کا دھارا کوئی نہیں
خائف ہیں اس مقام پہ یہ لوگ کس لئے
کیا ڈر کہ اب مزید خسارہ کوئی نہیں
پوچھا جو میں نے کوئی تو ہو گا مری طرف
اک شخص اٹھا اور اٹھ کے پکارا کوئی نہیں
امیر امام
Kaise charagh ab toh sharara koi nahin
Kaise charagh ab toh sharara koi nahin
Khush hai hawa ke shab mein hamara koi nahin
Kaisi ajeeb jang lade ja rahe hain hum
Jeeta jise koi nahin hara koi nahin
Manzil hai teri shaam ke saayon ke humsafar
Yeh aasman ke jis pe sitara koi nahin
Woh din hai jis ko chhod ke sooraj chala gaya
Woh raat hai ke jis ka kinara koi nahin
Is sarzameen pe ashk bahane se fayda
Jis sarzameen ko khoon ka dhaara koi nahin
Khaif hain is maqam pe yeh log kis liye
Kya dar ke ab mazeed khasara koi nahin
Poocha jo main ne koi toh hoga meri taraf
Ek shakhs utha aur uth ke pukara koi nahin
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں