کمان توڑ دی اپنی زرہ اتار چکا — امیر امام
شاعر
کمان توڑ دی اپنی زرہ اتار چکا
کمان توڑ دی اپنی زرہ اتار چکا
خوشی مناؤ مرے دشمنو میں ہار چکا
اداس بیٹھی ہیں صحرا نوردیاں میری
میں اپنے آپ کو ہر دشت میں پکار چکا
میں قرض دار ہوں لوگو مجھے ذلیل کرو
نہ قرض یار چکا اور نہ قرض دار چکا
بچا رکھا تھا جو اک تیر اس جہاں کے لئے
وہ ایک تیر میں سینے میں اپنے مار چکا
ہیں اور کام مجھے زندگی اجازت دے
میں تیری زلف پریشاں بہت سنوار چکا
کوئی حساب تھا تا عمر چک نہیں پایا
وہی حساب جو ہر روز بار بار چکا
امیر امام
Kamaan tod di apni zirah utaar chuka
Kamaan tod di apni zirah utaar chuka
Khushi manao mere dushmanon main haar chuka
Udaas baithi hain sehra nawardiyan meri
Main apne aap ko har dasht mein pukaar chuka
Main qarzdar hun logo mujhe zaleel karo
Na qarz-e-yaar chuka aur na qarzdar chuka
Bacha rakha tha jo ek teer uss jahan ke liye
Woh ek teer main seene mein apne maar chuka
Hain aur kaam mujhe zindagi ijazat de
Main teri zulf-e-pareshan bohat sanwaar chuka
Koi hisaab tha ta umar chuk nahin paya
Wohi hisaab jo har roz baar baar chuka
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں