کشتی — امیر امام
شاعر
کشتی
یقین مانو
کہ میری آنکھوں کے خشک تنور سے
وہ چشمہ ابلنے والا ہے
جس کا پانی
بہا کے لے جائے گا یہ سب کچھ
ذرا بھی خشکی کہیں نہ ہوگی
کہ جس پہ کوئی قدم جما لے
کہیں بھی جائے اماں نہ ہوگی
جہاں پہ چھپ جائے کوئی اور جان بخشوا لے
تو سب یہ اعلان عام سن لیں
وہ سب جو اس وقت مجھ پہ ہنستے تھے
جب میں یادوں کے جوڑوں کو جمع کر رہا تھا
وہ سب سنیں
کہ زندگی بس رہے گی اس کی
جو میری کشتی میں ساتھ ہوگا
کہ میں
جو خوابوں کی ایک کشتی بنا رہا تھا
وہ آج تیار ہو گئی ہے
امیر امام
Kashti
Yaqeen maano
Ke meri aankhon ke khushk tannur se
Woh chashma ubalne wala hai
Jis ka paani
Baha ke le jaaye ga ye sab kuch
Zara bhi khushki kahin na hogi
Ke jis pe koi qadam jama le
Kahin bhi jaaye amaan na hogi
Jahaan pe chhup jaaye koi aur jaan bakhshwa le
To sab ye elaan-e-aam sun lein
Woh sab jo is waqt mujh pe hanste the
Jab main yaadon ke jodon ko jama kar raha tha
Woh sab sunein
Ke zindagi bas rahegi us ki
Jo meri kashti mein saath hoga
Ke main
Jo khwabon ki ek kashti bana raha tha
Woh aaj tayyar ho gai hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں