خامشیٔ دل کسی شب اتنا ڈر جائیں گے ہم — امیر امام
شاعر
خامشیٔ دل کسی شب اتنا ڈر جائیں گے ہم
خامشیٔ دل کسی شب اتنا ڈر جائیں گے ہم
چونک کر اک سانس کی آہٹ سے مر جائیں گے ہم
آسماں سورج نکل آئے بس اتنا صبر کر
ساتھ کرنوں کے زمیں پر پھر اتر جائیں گے ہم
خشک ہونٹھوں نے بلایا ہے ہمیں دربار میں
ساتھ لے کے اپنے نذر چشم تر جائیں گے ہم
سوچتی رہ جائے گی دنیا اسے کیا نام دوں
زندگی تجھ میں اک ایسا رنگ بھر جائیں گے ہم
اب نہیں بیٹھا کریں گے بس میں کھڑکی کی طرف
تیری بستی کو بنا دیکھے گزر جائیں گے ہم
یہ جہاں نکلا توقع سے زیادہ مختصر
الوداع اے دوستو اب اپنے گھر جائیں گے ہم
امیر امام
Khamoshi-e-dil kisi shab itna dar jayenge hum
Khamoshi-e-dil kisi shab itna dar jayenge hum
Chonk kar ik saans ki aahaṭ se mar jayenge hum
Aasmaan sooraj nikal aaye bas itna sabr kar
Saath kirnon ke zameen par phir utar jayenge hum
Khushk hontoñ ne bulaya hai hamein darbaar mein
Saath le ke apne nazr chashm-e-tar jayenge hum
Sochti rah jayegi duniya use kya naam doon
Zindagi tujh mein ik aisa rang bhar jayenge hum
Ab nahin baitha karenge bas mein khidki ki taraf
Teri basti ko bana dekhe guzar jayenge hum
Ye jahan nikla tawaqqo se zyada mukhtasar
Alwida ae dosto ab apne ghar jayenge hum
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں