خامشی سے روزانہ دائروں میں بٹ جانا — امیر امام
شاعر
خامشی سے روزانہ دائروں میں بٹ جانا
خامشی سے روزانہ دائروں میں بٹ جانا
ٹوٹنا بکھر جانا اور پھر سمٹ جانا
میرے سارے خوابوں کی مختصر یہ تعبیریں
دن میں نیند کا آنا رات کو اچٹ جانا
خود سے بات کرنے کو راہ روکنا اپنی
تھوڑی دیر چپ رہ کر مسکرا کے ہٹ جانا
کس طرح توازن ہو زندگی کے کھاتے میں
صبح ہو تو بڑھ جانا شام ہو تو گھٹ جانا
جس طرف نہیں کوئی اس طرف پہنچانا اور
جس طرف سے آئے تھے اس طرف پلٹ جانا
آئنے بکھر جانا پتھروں سے ٹکرا کر
اور موج دریا سے پتھروں کا کٹ جانا
امیر امام
Khamoshi se rozana daeron mein baṭ jaana
Khamoshi se rozana daeron mein baṭ jaana
Tooṭna bikhar jaana aur phir simaṭ jaana
Mere saare khwabon ki mukhtasar yeh ta'abiren
Din mein neend ka aana raat ko uchaṭ jaana
Khud se baat karne ko raah rokna apni
Thoṛi der chup rah kar muskura ke haṭ jaana
Kis tarah tawazun ho zindagi ke khaate mein
Subah ho to baṛh jaana shaam ho to ghaṭ jaana
Jis taraf nahin koi us taraf pahunchana aur
Jis taraf se aaye the us taraf palaṭ jaana
Aaine bikhar jaana pattharon se takra kar
Aur mauj-e-darya se pattharon ka kaṭ jaana
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں