خوشبو کو قید گل سے رہا کر دیا گیا — امیر امام
شاعر
خوشبو کو قید گل سے رہا کر دیا گیا
خوشبو کو قید گل سے رہا کر دیا گیا
اور اس کے بعد رزق ہوا کر دیا گیا
اک دل نواز غم کی یہ مجھ پر نوازشیں
میری برہنگی کو قبا کر دیا گیا
جو بھی ملا اسی کا گریبان چاک تھا
خنجر بہ دست دست صبا کر دیا گیا
تھی آدمی کو اور ضرورت زمین کی
یہ کیا کہ آسماں کو سوا کر دیا گیا
گزرا جو ہم پہ اس کی خدائی میں دوستو
وہ ہار کر سپرد خدا کر دیا گیا
اس نے کہا کہ مجھ سے بچھڑنے پہ یہ سکوت
تو زندگی میں حشر بپا کر دیا گیا
مجبور تھے تو رات اسے ماننا پڑا
جب رنگ روشنی سے جدا کر دیا گیا
مٹی کا جسم تھا سو وو مٹی کو دے دیا
یہ قرض آخری بھی ادا کر دیا گیا
امیر امام
Khushboo ko qaid-e-gul se riha kar diya gaya
Khushboo ko qaid-e-gul se riha kar diya gaya
Aur is ke baad rizq-e-hawa kar diya gaya
Ek dil-nawaz gham kī yeh mujh par nawazisheñ
Meri barahnagi ko qaba kar diya gaya
Jo bhi mila usi ka gareeban chaak tha
Khanjar ba-dast-e-dast-e-saba kar diya gaya
Thī aadmi ko aur zaroorat zameen kī
Yeh kya ke aasman ko siwa kar diya gaya
Guzra jo hum pe us kī khudai mein dosto
Woh haar kar supard-e-khuda kar diya gaya
Us ne kaha ke mujh se bichhaṛne pe yeh sukoot
To zindagi mein hashr bapa kar diya gaya
Majboor the to raat use man'na paṛa
Jab rang roshnī se juda kar diya gaya
Miṭṭi ka jism tha so woh miṭṭi ko de diya
Yeh qaraz aakhiri bhi ada kar diya gaya
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں