کہ جیسے کوئی مسافر وطن میں لوٹ آئے — امیر امام
شاعر
کہ جیسے کوئی مسافر وطن میں لوٹ آئے
کہ جیسے کوئی مسافر وطن میں لوٹ آئے
ہوئی جو شام تو پھر سے تھکن میں لوٹ آئے
نہ آبشار نہ صحرا لگا سکے قیمت
ہم اپنی پیاس کو لے کر دہن میں لوٹ آئے
سفر طویل بہت تھا کسی کی آنکھوں تک
تو اس کے بعد ہم اپنے بدن میں لوٹ آئے
کبھی گئے تھے ہواؤں کا سامنا کرنے
سبھی چراغ اسی انجمن میں لوٹ آئے
کسی طرح تو فضاؤں کی خامشی ٹوٹے
تو پھر سے شور سلاسل چلن میں لوٹ آئے
امیرؔ امام بتاؤ یہ ماجرا کیا ہے
تمہارے شعر اسی بانکپن میں لوٹ آئے
امیر امام
Ki jaise koi musafir watan mein laut aaye
Ki jaise koi musafir watan mein laut aaye
Hui jo shaam to phir se thakan mein laut aaye
Na aabshaar na sahra laga sake qeemat
Hum apni pyaas ko le kar dahan mein laut aaye
Safar taweel bahut tha kisi ki aankhon tak
To us ke baad hum apne badan mein laut aaye
Kabhi gaye the hawaon ka saamna karne
Sabhi charaagh usi anjuman mein laut aaye
Kisi tarah to fizaon ki khamoshi toote
To phir se shor-e-salasil chalan mein laut aaye
Ameer Imam batao ye maajra kya hai
Tumhare sher usi bankpan mein laut aaye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں