کسی بھی شخص سے شکوہ نہ اب گلہ رکھو — امیر امام
شاعر
کسی بھی شخص سے شکوہ نہ اب گلہ رکھو
کسی بھی شخص سے شکوہ نہ اب گلہ رکھو
عجیب دن ہیں لبوں پر فقط دعا رکھو
یہ وقت پہلے بھی آ کر گزر گیا کئی بار
گزرتا جائے گا یہ وقت حوصلہ رکھو
جو آج آتے ہیں آنسو تو کوئی بات نہیں
لہو بھی آئے گا آنکھوں کا در کھلا رکھو
یہ چھپ نہ جائیں پھر اک بار آستینوں میں
ہر ایک خنجر قاتل پہ اک گلا رکھو
تمہارے قتل پہ ماتم بھی اب نہیں ہو گا
تم اب یہ آخری امید بھی اٹھا رکھو
تبھی تو کہتے تھے تعداد کچھ نہیں ہوتی
تبھی تو کہتے تھے ذہنوں میں کربلا رکھو
ہوا کے سامنے رکھی ہوا تو کیا حاصل
نئے چراغ جلاؤ نئی ضیا رکھو
امیر امام
Kisī bhī shakhs se shikwa na ab gila rakho
Kisī bhī shakhs se shikwa na ab gila rakho
Ajab din hain laboñ par faqat dua rakho
Yeh waqt pehle bhi aa kar guzar gaya kai baar
Guzarta jayega yeh waqt hausla rakho
Jo aaj aate hain aansu to koī baat nahīñ
Lahu bhi aayega aankhoñ ka dar khula rakho
Yeh chhup na jayen phir ek baar aasteenon mein
Har ek khanjar-e-qaatil pe ek gala rakho
Tumhare qatl pe matam bhi ab nahīñ hoga
Tum ab yeh aakhri ummeed bhi uṭha rakho
Tabhī to kehte the taadaad kuchh nahīñ hotī
Tabhī to kehte the zehnoñ mein Karbala rakho
Hawa ke saamne rakhī hawa to kya haasil
Naye charaagh jalao nayī ziya rakho
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں