کچھ تو ہمارا عکس بھی مبہم ہے دوستو — امیر امام
شاعر
کچھ تو ہمارا عکس بھی مبہم ہے دوستو
کچھ تو ہمارا عکس بھی مبہم ہے دوستو
کچھ ہم پہ روشنی بھی ذرا کم ہے دوستو
لگتا ہے کوئی شام غریباں تھی کن فکاں
یہ ساری کائنات شب غم ہے دوستو
ماضی نہ حال کچھ بھی نہیں ہے ابد تلک
یہ وقت ایک لمحۂ پیہم ہے دوستو
اس زخم دل کو روز نیا زخم دیجے
یہ زخم جس کو زخم ہی مرہم ہے دوستو
سارے جہاں میں کوئی نظارہ نہیں جسے
یہ کہہ سکیں کہ آنکھ کا محرم ہے دوستو
جس سے گزر کے کچھ نہیں کھلتا کہاں ہیں ہم
اس راستے میں ایک عجب خم ہے دوستو
دل میں کبھی جو شہر بسایا تھا عشق نے
وہ شہر آج درہم و برہم ہے دوستو
امیر امام
Kuchh to hamara aks bhi mubham hai dosto
Kuchh to hamara aks bhi mubham hai dosto
Kuchh ham pe roshni bhi zara kam hai dosto
Lagta hai koi shaam-e-ghariban thi kun fikaan
Ye saari kainat shab-e-gham hai dosto
Maazi na haal kuchh bhi nahin hai abad talak
Ye waqt ek lamha-e-paiham hai dosto
Is zakhm-e-dil ko roz naya zakhm deejay
Ye zakhm jis ko zakhm hi marham hai dosto
Saare jahan mein koi nazaara nahin jise
Ye keh sakein ke aankh ka mehram hai dosto
Jis se guzar ke kuchh nahin khulta kahaan hain ham
Is raaste mein ek ajab kham hai dosto
Dil mein kabhi jo shahr basaya tha ishq ne
Wo shahr aaj darham-o-barham hai dosto
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں