میں بڑھ رہا ہوں مری عمر گھٹتی جاتی ہے — امیر امام
شاعر
میں بڑھ رہا ہوں مری عمر گھٹتی جاتی ہے
میں بڑھ رہا ہوں مری عمر گھٹتی جاتی ہے
یہ نہر اپنے کناروں سے کٹتی جاتی ہے
فلک پہ چاند رواں ہے عقاب کی صورت
شب فراق پروں میں سمٹتی جاتی ہے
نہ جانے کس لئے تصویر میرے سایہ کی
بڑھوں جو ملنے تو پیچھے کو ہٹتی جاتی ہے
تجھے خبر نہیں جاگیر آسماں تیری
تمام چاند ستاروں میں بٹتی جاتی ہے
غم فراق بھی کچھ دن کی لطف اندوزی
پھر اس کے بعد طبیعت اچٹتی جاتی ہے
اگالدان ہے تاریخ جس کو کاغذ پر
ہر ایک دور کی قوت الٹتی جاتی ہے
امیر امام
Main baṛh rahā hoon miri umar ghaṭti jaati hai
Main baṛh rahā hoon miri umar ghaṭti jaati hai
Ye nahar apne kināron se kaṭti jaati hai
Falak pe chaand rawān hai uqaab ki soorat
Shab-e-firāq paron mein simaṭti jaati hai
Na jaane kis liye tasveer mere saaye ki
Baṛhoon jo milne to peeche ko haṭti jaati hai
Tujhe khabar nahin jāgeer aasmaan teri
Tamām chaand sitāron mein baṭti jaati hai
Gham-e-firāq bhi kuch din ki lutf-andozi
Phir us ke baad tabī'at uchhaṭti jaati hai
Agaaldaan hai taareekh jis ko kaaghaz par
Har ek daur ki quwwat ulaṭti jaati hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں