میں روٹھتا تھا تو مجھ کو منایا کرتا تھا — امیر امام
شاعر
میں روٹھتا تھا تو مجھ کو منایا کرتا تھا
میں روٹھتا تھا تو مجھ کو منایا کرتا تھا
کسی کا ہجر مرے ناز اٹھایا کرتا تھا
بگاڑ دیتا تھا ترتیب میں ستاروں کی
وہ کہکشاں کو دوبارہ سجایا کرتا تھا
مری اداسیاں گاتی تھیں گیت ساون کے
اندھیرا مجھ کو کہانی سنایا کرتا تھا
تمام رات برستی تھی چاندنی مجھ پر
میں سر سے پاؤں تلک بھیگ جایا کرتا تھا
یہ اشک آنکھ سے جب بھی نہیں نکلتے تھے
میں ان دنوں بھی فقط مسکرایا کرتا تھا
میں مارا پھرتا تھا روزانہ تیز دھوپوں میں
مگر وہ ابر کا ٹکڑا جو سایہ کرتا تھا
نہ جانے کیسے سبھی جان جایا کرتے تھے
وہ اک خیال جو سب سے چھپایا کرتا تھا
یہ بھیڑ روز مجھے گمشدہ بناتی تھی
مگر وہ روز مجھے ڈھونڈھ لایا کرتا تھا
میں اس کو بھول چکا ہوں کبھی کبھی لیکن
یہ یاد آتا ہے وہ یاد آیا کرتا تھا
امیر امام
Main rooth-ta tha to mujh ko manaya karta tha
Main rooth-ta tha to mujh ko manaya karta tha
Kisi ka hijr mere naaz uthaya karta tha
Bigaad deta tha tarteeb main sitaron ki
Woh kahkashan ko dobara sajaya karta tha
Meri udaasiyan gaati thin geet sawan ke
Andhera mujh ko kahani sunaya karta tha
Tamaam raat barasti thi chandni mujh par
Main sar se paon talak bheeg jaya karta tha
Yeh ashk aankh se jab bhi nahin nikalte the
Main un dinon bhi faqat muskuraya karta tha
Main maara phirta tha rozana tez dhoopon mein
Magar woh abr ka tukda jo saaya karta tha
Na jaane kaise sabhi jaan jaya karte the
Woh ek khayal jo sab se chhupaya karta tha
Yeh bheed roz mujhe gumshuda banati thi
Magar woh roz mujhe dhoondh laya karta tha
Main uss ko bhool chuka hun kabhi kabhi lekin
Yeh yaad aata hai woh yaad aaya karta tha
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں