میں وہ چراغ سدا جس نے اختلاف کیا — امیر امام
شاعر
میں وہ چراغ سدا جس نے اختلاف کیا
میں وہ چراغ سدا جس نے اختلاف کیا
وگرنہ سب نے ہواؤں کا اعتراف کیا
بکھر رہی ہے مرے دل میں روشنی ہر سو
وہیں سے یاد نے تیری جہاں شگاف کیا
تمہارے حسن کو کب یہ زبان آتی تھی
درست کس نے بتاؤ یہ شین قاف کیا
میں ایسا کر کے تمہارے خلاف ہو جاتا
یہی تھی وجہ جو خود سے نہ انحراف کیا
ابھر رہے ہیں فقط آئنوں کے عکس اس میں
یہ آج آئنۂ دل کو کس نے صاف کیا
امیر امامؔ کو تم بھی معاف اب کر دو
امیر امامؔ نے آنکھو تمہیں معاف کیا
امیر امام
Main woh chiragh sada jis ne ikhtilaf kiya
Main woh chiragh sada jis ne ikhtilaf kiya
Wagarna sab ne hawaon ka e'tiraf kiya
Bikhar rahi hai mere dil mein roshni har soo
Wahin se yaad ne teri jahan shigaf kiya
Tumhare husn ko kab yeh zaban aati thi
Durust kis ne batao yeh sheen qaaf kiya
Main aisa kar ke tumhare khilaf ho jata
Yehi thi wajah jo khud se na inhiraaf kiya
Ubhar rahe hain faqat aainon ke aks is mein
Yeh aaj aaina dil ko kis ne saaf kiya
Amir Imam ko tum bhi moaf ab kar do
Amir Imam ne aankhon tumhein moaf kiya
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں