مزید اک بار پر نار گراں رکھا گیا ہے — امیر امام
شاعر
مزید اک بار پر نار گراں رکھا گیا ہے
مزید اک بار پر نار گراں رکھا گیا ہے
زمیں جو تیرے اوپر آسماں رکھا گیا ہے
کبھی تو چیخ کر آواز دے تو جان جاؤں
مرے زندان میں تجھ کو کہاں رکھا گیا ہے
مری نیندوں میں رہتی ہے سدا تشنہ دہانی
مرے خوابوں میں اک دریا رواں رکھا گیا ہے
ہوا کے ساتھ پھولوں سے نکلنے کی سزا میں
بھٹکتی خوشبوؤں کو بے اماں رکھا گیا ہے
مگر یہ دل بہلتا ہی نہیں گو اس کے آگے
تمہارے بعد یہ سارا جہاں رکھا گیا ہے
امیر امام
Mazeed ek baar par naar-e-giraan rakha gaya hai
Mazeed ek baar par naar-e-giraan rakha gaya hai
Zameen jo tere upar aasmaan rakha gaya hai
Kabhi to cheekh kar aawaaz de to jaan jaaun
Mere zindaan mein tujh ko kahan rakha gaya hai
Meri neendon mein rehti hai sada tishna-dahani
Mere khwaabon mein ek darya rawaan rakha gaya hai
Hawa ke saath phoolon se nikalne ki saza mein
Bhatakti khushbuon ko be-amaan rakha gaya hai
Magar yeh dil behelta hi nahin go uss ke aage
Tumhare baad yeh saara jahan rakha gaya hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں