میری باتوں پہ خموشی کا گماں ہونا تھا — امیر امام
شاعر
میری باتوں پہ خموشی کا گماں ہونا تھا
میری باتوں پہ خموشی کا گماں ہونا تھا
کہاں الفاظ مجھے جن سے بیاں ہونا تھا
جلدبازی نے یہ ترتیب الٹ دی ورنہ
اب جو صحرا ہے اسے نہر رواں ہونا تھا
خیر اچھا ہوا بس ترک مراسم ٹھہرا
ورنہ یہ عشق بھی احساس زیاں ہونا تھا
ساتھ تم تھے تو بہت آئیں بہاریں مجھ پر
اور بہاروں کو بہر حال خزاں ہونا تھا
جب ان آنکھوں نے دکھائے تھے تماشے مجھ کو
پھر تماشوں کو بھلا اور کہاں ہونا تھا
تجربہ میرا بھی کچھ اور برس بڑھ جاتا
تمہیں کچھ اور برس رک کے جواں ہونا تھا
یہ جہاں جیسا ہے بہتر ہے مگر جانے کیوں
ایسا لگتا ہے اسے اور جہاں ہونا تھا
امیر امام
Meri baaton pe khamoshi ka gumaan hona tha
Meri baaton pe khamoshi ka gumaan hona tha
Kahan alfaaz mujhe jin se bayan hona tha
Jaldbazi ne yeh tarteeb ulat di varna
Ab jo sehra hai use nehr-e-rawan hona tha
Khair acha hua bas tark-e-marasim thehra
Varna yeh ishq bhi ehsas-e-ziyan hona tha
Saath tum the toh bahut aayin baharein mujh par
Aur baharon ko behar haal khizan hona tha
Jab un aankhon ne dikhaye the tamashe mujh ko
Phir tamashon ko bhala aur kahan hona tha
Tajurba mera bhi kuch aur baras badh jata
Tumhe'n kuch aur baras ruk ke jawan hona tha
Yeh jahan jaisa hai behtar hai magar jaane kyun
Aisa lagta hai use aur jahan hona tha
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں