میری بستی کی کوئی تشنہ دہانی دیکھے — امیر امام
شاعر
میری بستی کی کوئی تشنہ دہانی دیکھے
میری بستی کی کوئی تشنہ دہانی دیکھے
مدتیں گزریں کسی آنکھ میں پانی دیکھے
جاگ جائے تو بلا لیتا ہے صحرا اس کو
سوئے تو خواب میں دریا کی روانی دیکھے
آ گیا گھر تو مجھے جانا ہے بستر کی طرف
اب کسے تاب کہ یہ ہجرت ثانی دیکھے
اک تبسم سے کوئی عمر گزارے کیسے
کب تلک ترک تعلق کی نشانی دیکھے
میرے الفاظ نے ایجاد کیا ہے اس کو
جو بھی دیکھے اسے اب میری زبانی دیکھے
امیر امام
Meri basti ki koi tishna-dahani dekhe
Meri basti ki koi tishna-dahani dekhe
Muddaten guzrin kisi aankh mein pani dekhe
Jaag jaaye to bula leta hai sehra us ko
Soye to khwab mein darya ki rawani dekhe
Aa gaya ghar to mujhe jaana hai bistar ki taraf
Ab kise taab ki yeh hijrat-e-sani dekhe
Ek tabassum se koi umr guzare kaise
Kab talak tark-e-ta'alluq ki nishani dekhe
Mere alfaaz ne ijaad kiya hai us ko
Jo bhi dekhe use ab meri zabani dekhe
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں