پس زمیں کہ پس آسماں چلے جاتے — امیر امام
شاعر
پس زمیں کہ پس آسماں چلے جاتے
پس زمیں کہ پس آسماں چلے جاتے
فرار خود سے کہاں تھا کہاں چلے جاتے
ہماری آنکھ سے اک راستہ نکل آتا
رکے ہوئے یہ سبھی کارواں چلے جاتے
مسافروں کو سفر میں عجب خیال آیا
ٹھہرتے ہم تو ہمارے مکاں چلے جاتے
بدن میں تھے تو بدن کو سوال کرنا تھا
جواب دینا تھا ہم کو جہاں چلے جاتے
کوئی گناہ نہیں رائیگاں چلے جانا
یہی تو ہوتا کہ ہم رائیگاں چلے جاتے
گزرتے وقت سے آزاد ایک بستی ہے
تری نگاہ سے ہو کر وہاں چلے جاتے
امیر امام
Pas zameen ke pas aasmaan chale jaate
Pas zameen ke pas aasmaan chale jaate
Faraar khud se kahaan tha kahaan chale jaate
Hamari aankh se ik raasta nikal aata
Ruke hue ye sabhi kaarwan chale jaate
Musaafiron ko safar mein ajab khayal aaya
Thaharte hum to hamare makaan chale jaate
Badan mein the to badan ko sawal karna tha
Jawab dena tha hum ko jahaan chale jaate
Koi gunah nahin raayegaan chale jaana
Yahi to hota ke hum raayegaan chale jaate
Guzarte waqt se azaad ek basti hai
Teri nigah se ho kar wahaan chale jaate
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں