قریۂ تشنہ دہاں کس کی طرف دیکھے گا — امیر امام
شاعر
قریۂ تشنہ دہاں کس کی طرف دیکھے گا
قریۂ تشنہ دہاں کس کی طرف دیکھے گا
اور یہ سیل رواں کس کی طرف دیکھے گا
تھرتھراتی ہوئی یہ روشنی دیکھے گی کدھر
رقص کرتا یہ دھواں کس کی طرف دیکھے گا
جس سے باندھے تھے ترے ہاتھ اسی رسی کا
تیرے ہاتھوں پہ نشاں کس کی طرف دیکھے گا
یا تو باقی اسے رہنا ہے یا جل جانا ہے
مختصر یہ کہ مکاں کس کی طرف دیکھے گا
ان کا کہنا ہے کہ نعرے یوں لگائے جائیں
شور میں کون کہاں کس کی طرف دیکھے گا
بوڑھی ہوتی ہوئی بستی نہ ہراساں ہونا
دیکھنا سارا جہاں کس کی طرف دیکھے گا
امیر امام
Qarya tishna dahan kis ki taraf dekhe ga
Qarya tishna dahan kis ki taraf dekhe ga
Aur yeh sail-e-rawan kis ki taraf dekhe ga
Thartharati hui yeh roshni dekhegi kidhar
Raqs karta yeh dhuan kis ki taraf dekhe ga
Jis se bandhe the tere haath usi rassi ka
Tere haathon pe nishan kis ki taraf dekhe ga
Ya to baqi use rehna hai ya jal jaana hai
Mukhtasar yeh ke makan kis ki taraf dekhe ga
In ka kehna hai ke naare yun lagaye jaayen
Shor mein kaun kahan kis ki taraf dekhe ga
Boorhi hoti hui basti na harasan hona
Dekhna sara jahan kis ki taraf dekhe ga
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں