رنگ تمام بھر چکی صبح بخیر زندگی — امیر امام
شاعر
رنگ تمام بھر چکی صبح بخیر زندگی
رنگ تمام بھر چکی صبح بخیر زندگی
مجھ میں قضا نکھر چکی صبح بخیر زندگی
تیرے بھی زخم بھر دئے اور ہوائے وقت اب
میرے بھی زخم بھر چکی صبح بخیر زندگی
دل میں کسی خیال کی رات ہوا چلی بہت
اب وہ ہوا ٹھہر چکی صبح بخیر زندگی
بجھ گئے سب چراغ خود قصۂ ما تمام شد
پہلی کرن اتر چکی صبح بخیر زندگی
آئنۂ خلا میں اب میں بھی بہت سنور چکا
تو بھی بہت سنور چکی صبح بخیر زندگی
رات نہیں گزر سکی مجھ سے جو ایک عمر تک
رات وہ اب گزر چکی صبح بخیر زندگی
یاد نہیں ہے شکل جو یہ تو اسی کی شکل ہے
شکل تری ابھر چکی صبح بخیر زندگی
امیر امام
Rang tamaam bhar chuki subh ba-khair zindagi
Rang tamaam bhar chuki subh ba-khair zindagi
Mujh mein qaza nikhar chuki subh ba-khair zindagi
Tere bhi zakhm bhar diye aur hawa-e-waqt ab
Mere bhi zakhm bhar chuki subh ba-khair zindagi
Dil mein kisi khayal ki raat hawa chali bohat
Ab woh hawa theher chuki subh ba-khair zindagi
Bujh gaye sab charaagh khud qissa-e-ma tamaam shud
Pehli kiran utar chuki subh ba-khair zindagi
Aaina-e-khala mein ab main bhi bohat sanwar chuka
Tu bhi bohat sanwar chuki subh ba-khair zindagi
Raat nahin guzar saki mujh se jo ek umar tak
Raat woh ab guzar chuki subh ba-khair zindagi
Yaad nahin hai shakal jo yeh to usi ki shakal hai
Shakal teri ubhar chuki subh ba-khair zindagi
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں