ردائے شب کو بھلا کس طرح سیا جائے — امیر امام
شاعر
ردائے شب کو بھلا کس طرح سیا جائے
ردائے شب کو بھلا کس طرح سیا جائے
تمہاری یاد نہ آئے تو کیا کیا جائے
شراب پینے سے کیا فائدہ اگر یارو
اسے گناہ سمجھ کر نہیں پیا جائے
زمانہ پوچھ رہا ہے کہ کیا ہوا تم کو
جواب سوچ رہا ہوں کہ کیا دیا جائے
نہیں ہے کوئی بھی چارہ سوائے جینے کے
نہیں ہے کوئی بھی چارہ تو بس جیا جائے
سمجھ میں کچھ نہیں آتا کہ چھوڑ دیں کس کو
سمجھ میں کچھ نہیں آتا کسے لیا جائے
امیر امام
Rida-e-shab ko bhala kis tarah siya jaye
Rida-e-shab ko bhala kis tarah siya jaye
Tumhari yaad na aaye to kya kya jaye
Sharab peene se kya faayda agar yaaro
Use gunah samajh kar nahin piya jaye
Zamāna pooch raha hai ke kya hua tum ko
Jawab soch raha hoon ke kya diya jaye
Nahin hai koi bhi chaara siwaaye jeene ke
Nahin hai koi bhi chaara to bas jiya jaye
Samajh mein kuch nahin aata ke chhoṛ dein kis ko
Samajh mein kuch nahin aata kise liya jaye
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں