روٹھا ہوا ہے کب سے منانے کو آئے ہیں — امیر امام
شاعر
روٹھا ہوا ہے کب سے منانے کو آئے ہیں
روٹھا ہوا ہے کب سے منانے کو آئے ہیں
اٹھ اے امیر امامؔ بلانے کو آئے ہیں
دعویٰ نہیں کہ لائیں گے ندی نکال کر
صحرا میں صرف خاک اڑانے کو آئے ہیں
اس بار روک لے کہ ترے آستاں پہ ہم
واپس کبھی نہ لوٹ کے آنے کو آئے ہیں
ایسا نہیں کہ زخم لگے ہیں فقط ہمیں
ہم سے بھی چند زخم زمانے کو آئے ہیں
یارو بڑا عجیب لطیفہ ہے زندگی
آؤ سنو کہ ہنسنے ہنسانے کو آئے ہیں
آئے ہیں اس گلی میں کہ وہ یاد آ سکے
یعنی اسے بھی آج بھلانے کو آئے ہیں
کیا تھک گئی ہوا بھی کہ اب تک نہیں چلی
یہ آخری چراغ جلانے کو آئے ہیں
شائستہ خامشی ہو مبارک حضور کو
دنیا میں ہم تو شور مچانے کو آئے ہیں
مانا پڑی ہیں اور بھی لاشیں پڑی رہیں
ہم تو بس اپنی لاش اٹھانے کو آئے ہیں
امیر امام
Rooṭha hua hai kab se manane ko aaye hain
Rooṭha hua hai kab se manane ko aaye hain
Uṭh aye Ameer Imam, bulane ko aaye hain
Daawa nahīñ ke layeñge nadī nikal kar
Sehra mein sirf khaak uṛane ko aaye hain
Is baar rok le ke tere aastaan pe hum
Waapas kabhī na lauṭ ke aane ko aaye hain
Aisa nahīñ ke zakhm lage hain faqat hameñ
Hum se bhi chand zakhm zamane ko aaye hain
Yaaro baṛa ajīb lateefa hai zindagi
Aao suno ke hansne hansane ko aaye hain
Aaye hain is gali mein ke woh yaad aa sake
Ya'ni use bhi aaj bhulane ko aaye hain
Kya thak gaī hawa bhi ke ab tak nahīñ chali
Yeh aakhri charaagh jalane ko aaye hain
Shayista khamoshi ho mubarak huzoor ko
Duniya mein hum to shor machane ko aaye hain
Maana paṛi hain aur bhi lashein paṛi raheñ
Hum to bas apni laash uṭhane ko aaye hain
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں