روداد جاں کہیں جو ذرا دم ملے ہمیں — امیر امام
شاعر
روداد جاں کہیں جو ذرا دم ملے ہمیں
روداد جاں کہیں جو ذرا دم ملے ہمیں
اس دل کے راستے میں کئی خم ملے ہمیں
لبیک پہلے ہم نے کہا تھا رسول حسن
ہو کارزار عشق تو پرچم ملے ہمیں
آئے اک ایسا زخم جو بھرنا نہ ہو کبھی
یعنی ہر ایک زخم کا مرہم ملے ہمیں
دن میں جہاں سراب ملے تھے ہمیں وہاں
آئی جو رات قطرۂ شبنم ملے ہمیں
تم جیسے اور لوگ بھی ہوں گے جہان میں
یہ بات اور ہے کہ بہت کم ملے ہمیں
جب ساتھ تھے تو مل کے بھی ملنا نہ ہو سکا
جب سے بچھڑ گئے ہو تو پیہم ملے ہمیں
اور پھر ہمیں بھی خود پہ بہت پیار آ گیا
اس کی طرف کھڑے ہوئے جب ہم ملے ہمیں
جو عمر بھر کا ساتھ نبھاتا نہ مل سکا
ویسے تو زندگی میں بہت غم ملے ہمیں
امیر امام
Roodaad-e-jaan kahein jo zaraa dam mile hamein
Roodaad-e-jaan kahein jo zaraa dam mile hamein
Is dil ke raaste mein kai kham mile hamein
Labbaik pehle hum ne kaha tha Rasool-e-Hasan
Ho kaarzaar-e-ishq to parcham mile hamein
Aaye ek aisa zakhm jo bharna na ho kabhi
Yaani har ek zakhm ka marham mile hamein
Din mein jahan saraab mile the hamein wahan
Aai jo raat qatra-e-shabnam mile hamein
Tum jaise aur log bhi honge jahan mein
Yeh baat aur hai ke bohat kam mile hamein
Jab saath the to mil ke bhi milna na ho saka
Jab se bichhad gaye ho to paiham mile hamein
Aur phir hamein bhi khud pe bohat pyaar aa gaya
Uss ki taraf khade hue jab hum mile hamein
Jo umar bhar ka saath nibhata na mil saka
Waise to zindagi mein bohat gham mile hamein
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں