سانسوں کے کارواں کی طرف دیکھتے رہو — امیر امام
شاعر
سانسوں کے کارواں کی طرف دیکھتے رہو
سانسوں کے کارواں کی طرف دیکھتے رہو
اس کار رائیگاں کی طرف دیکھتے رہو
تازہ بشارتوں کے اترنے کا وقت ہے
چپ چاپ آسماں کی طرف دیکھتے رہو
ساحل کی سمت دیکھا تو ساحل نہ آئے گا
موجوں کی بادباں کی طرف دیکھتے رہو
جھپکیں نہ ایک بار بھی پلکیں یہ شرط ہے
صحرائے رفتگاں کی طرف دیکھتے رہو
کیا ہے عجب کہ وہ بھی تمہیں دیکھنے لگیں
شاہان مہ رخاں کی طرف دیکھتے رہو
خاموش اس جہاں سے گزرنا ہے جب تمہیں
خاموش اس جہاں کی طرف دیکھتے رہو
امیر امام
Sanson ke karwaan ki taraf dekhte raho
Sanson ke karwaan ki taraf dekhte raho
Is kaar-e-raaygaan ki taraf dekhte raho
Taza bishaaraton ke utarne ka waqt hai
Chup chaap aasman ki taraf dekhte raho
Sahil ki simt dekha toh sahil na aayega
Maujon ki baadban ki taraf dekhte raho
Jhapkein na ek baar bhi palkein yeh shart hai
Sehra-e-raftagaan ki taraf dekhte raho
Kya hai ajab ke woh bhi tumhe dekhne lagen
Shahan-e-meh-rukhan ki taraf dekhte raho
Khamosh is jahan se guzarna hai jab tumhe
Khamosh us jahan ki taraf dekhte raho
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں