سوال دست گدائی پہ ختم ہوتا ہے — امیر امام
شاعر
سوال دست گدائی پہ ختم ہوتا ہے
سوال دست گدائی پہ ختم ہوتا ہے
یہ شہر خود سے لڑائی پہ ختم ہوتا ہے
مسافران محبت کو منزلیں کب ہیں
سفر یہ آبلہ پائی پہ ختم ہوتا ہے
خدا خدا ہے کہ محدود ہو نہیں سکتا
خدا کہاں جو خدائی پہ ختم ہوتا ہے
کبھی وصال پہ ہوتا ہے اختتام اس کا
کبھی یہ عشق جدائی پہ ختم ہوتا ہے
مرا جہان مری چشم خوں فشاں ہو کر
کسی کے دست حنائی پہ ختم ہوتا ہے
صدائے جاں کے تعاقب کا سلسلہ اک دن
خموشیوں کی رسائی پہ ختم ہوتا ہے
کسی خیال سے اب تک جو اک تعلق تھا
کچھ آنسوؤں کی رہائی پہ ختم ہوتا ہے
امیر امام
Sawal dast-e-gadaai pe khatm hota hai
Sawal dast-e-gadaai pe khatm hota hai
Ye shahr khud se ladaai pe khatm hota hai
Musafiran-e-mohabbat ko manzilein kab hain
Safar ye aabla-paai pe khatm hota hai
Khuda khuda hai ke mahdood ho nahin sakta
Khuda kahaan jo khudaai pe khatm hota hai
Kabhi visal pe hota hai ikhtitam us ka
Kabhi ye ishq judai pe khatm hota hai
Mera jahan, meri chashm-e-khoon-fishan ho kar
Kisi ke dast-e-hanaai pe khatm hota hai
Sada-e-jaan ke ta'aqub ka silsila ek din
Khamoshiyon ki rasaai pe khatm hota hai
Kisi khayal se ab tak jo ek ta'alluq tha
Kuchh aansuon ki rihaai pe khatm hota hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں