سوچتا ہوں کہ ترا ہجر بہانہ کر لوں — امیر امام
شاعر
سوچتا ہوں کہ ترا ہجر بہانہ کر لوں
سوچتا ہوں کہ ترا ہجر بہانہ کر لوں
اور خالی اب ان آنکھوں کا خزانہ کر لوں
تیرے پردے کے لئے سنگ کیا ہے چہرہ
سوچ کیا ہو جو اسے آئنہ خانہ کر لوں
میں بلاتا ہوں اسے روز پرانا ہو کر
موت کہتی ہے ابھی اور پرانا کر لوں
یوں اکیلا ہوں کہیں بھول نہ جاؤں تجھ کو
اسی تنہائی کو چاہوں تو زمانہ کر لوں
اور کچھ دیر کہ ہے تاب ابھی تک مجھ میں
ناتوانی کو ذرا اور توانا کر لوں
آسمانوں پہ بھی ڈالیں گی کمندیں آنکھیں
پہلے ان چاند ستاروں کو نشانہ کر لوں
امیر امام
Sochta hoon ki tera hijr bahana kar loon
Sochta hoon ki tera hijr bahana kar loon
Aur khali ab in aankhon ka khazana kar loon
Tere parde ke liye sang kiya hai chehra
Soch kya ho jo use aaina khana kar loon
Main bulata hoon use roz purana ho kar
Maut kehti hai abhi aur purana kar loon
Yun akela hoon kahin bhool na jaaun tujh ko
Isi tanhai ko chahoon to zamana kar loon
Aur kuchh der ki hai taab abhi tak mujh mein
Natwani ko zara aur tawana kar loon
Aasmanon pe bhi dalengi kamanden aankhen
Pehle in chand sitaron ko nishana kar loon
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں