تمام لفظ و معانی میں خاک اڑتی ہے — امیر امام
شاعر
تمام لفظ و معانی میں خاک اڑتی ہے
تمام لفظ و معانی میں خاک اڑتی ہے
ہماری سحر بیانی میں خاک اڑتی ہے
ہوا خمیر میں شامل ہے میری خاک کے ساتھ
تو میری ساری کہانی میں خاک اڑتی ہے
گماں ہوا یہ سمندر کے پہرے داروں کو
کہ موج موج روانی میں خاک اڑتی ہے
اٹا ہے دھول سے کیونکر بہار کا چہرہ
سنا تھا عہد خزانی میں خاک اڑتی ہے
بدن کے منظر اول میں پھول کھلتے ہیں
بدن کے منظر ثانی میں خاک اڑتی ہے
امیر امام
Tamam lafz-o-ma'ani mein khaak udti hai
Tamam lafz-o-ma'ani mein khaak udti hai
Hamari sahar bayani mein khaak udti hai
Hawa khameer mein shamil hai meri khaak ke saath
To meri saari kahani mein khaak udti hai
Guman hua yeh samandar ke pehredaron ko
Ke mauj mauj rawani mein khaak udti hai
Ata hai dhool se kyunkar bahar ka chehra
Suna tha ahd-e-khazani mein khaak udti hai
Badan ke manzar-e-awwal mein phool khilte hain
Badan ke manzar-e-sani mein khaak udti hai
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں