وہ ایک اشک جو حاصل ہے زندگانی کا — امیر امام
شاعر
وہ ایک اشک جو حاصل ہے زندگانی کا
وہ ایک اشک جو حاصل ہے زندگانی کا
تمام عمر کے منظر نچوڑ کر نکلا
پھر ایک خواب کو بیدار کر دیا کس نے
یہ کون رات کے شانے جھنجھوڑ کر نکلا
خوشی ہوئی ابھی موجود ہوں کہیں اس میں
مری طرف سے وہ منہ اپنا موڑ کر نکلا
حساب عمر پہ حیراں ہیں خضر بھی میرے
جو تیرے ہجر کی راتوں کو جوڑ کر نکلا
کیا تھا دھوپ کی شدت کو زیب تن میں نے
ادھر وہ چاندنی راتوں کو اوڑھ کر نکلا
گڑا کے دانت گلے میں لہو پیا میرا
وہ اک خیال کہ مجھ کو بھنبھوڑ کر نکلا
امیر امام
Wo ek ashk jo hasil hai zindagani ka
Wo ek ashk jo hasil hai zindagani ka
Tamaam umr ke manzar nichod kar nikla
Phir ek khwaab ko bedaar kar diya kis ne
Ye kaun raat ke shaane jhanjhod kar nikla
Khushi hui abhi maujood hoon kahin is mein
Meri taraf se wo munh apna mod kar nikla
Hisaab-e-umr pe hairan hain Khizr bhi mere
Jo tere hijr ki raaton ko jod kar nikla
Kiya tha dhoop ki shiddat ko zeb-e-tan main ne
Idhar wo chandni raaton ko odh kar nikla
Gada ke daant gale mein lahu piya mera
Wo ek khayal ke mujh ko bhanbhod kar nikla
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں