وہ معرکہ کہ آج بھی سر ہو نہیں سکا — امیر امام
شاعر
وہ معرکہ کہ آج بھی سر ہو نہیں سکا
وہ معرکہ کہ آج بھی سر ہو نہیں سکا
میں تھک کے مسکرا دیا جب رو نہیں سکا
اس بار یہ ہوا تری یادوں کی بھیڑ میں
ہر گام خود کو مل گیا میں کھو نہیں سکا
جاگا ہوں گہری نیند سے لیکن عجیب بات
یہ لگ رہا ہے جیسے کہ میں سو نہیں سکا
اگ آئی گھاس عشق کے ملبے پہ ہر طرف
ہم دونوں میں سے کوئی اسے دھو نہیں سکا
جادو نگر ہے کوئی مرا اندروں جہاں
ہوتا رہا ہے وہ جو کبھی ہو نہیں سکا
امیر امام
Wo maarka ki aaj bhi sar ho nahin saka
Wo maarka ki aaj bhi sar ho nahin saka
Main thak ke muskura diya jab ro nahin saka
Is baar ye hua teri yaadon ki bheed mein
Har gaam khud ko mil gaya main kho nahin saka
Jaaga hoon gehri neend se lekin ajeeb baat
Ye lag raha hai jaise ki main so nahin saka
Ug aayi ghaas ishq ke malbe pe har taraf
Hum donon mein se koi use dho nahin saka
Jaadu nagar hai koi mera andaroon jahaan
Hota raha hai woh jo kabhi ho nahin saka
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں