وہ آسماں کی حدوں کا شعور ہو جانا — امیر امام
شاعر
وہ آسماں کی حدوں کا شعور ہو جانا
وہ آسماں کی حدوں کا شعور ہو جانا
مگر یہ کیا کہ زمینوں سے دور ہو جانا
اس ایک اشک کا بہنا نشیب جاں کی طرف
اور اندرون میں ہر سمت نور ہو جانا
وہ ڈھلنا ایک خلش کا جنون میں پہلے
پھر اس جنون کا بڑھ کر سرور ہو جانا
جو تم کو دیکھ کے تلوار پھینک دوں اپنی
تو میرے قتل میں شامل ضرور ہو جانا
اک ایسا عکس ابھرنا کہ جس کی حدت سے
تمام شیشۂ دل چور چور ہو جانا
یہ مانتے ہی کہ ہے پار اس کا نا ممکن
وہ بے کنار سمندر عبور ہو جانا
شراب دی تھی جو مجھ کو تمہاری فرقت نے
وہی شراب شراب طہور ہو جانا
امیر امام
Woh aasman ki haddon ka shaoor ho jaana
Woh aasman ki haddon ka shaoor ho jaana
Magar yeh kya ke zameeno'n se door ho jaana
Is ek ashk ka behna nasheb-e-jaan ki taraf
Aur andaroon mein har simt noor ho jaana
Woh dhalna ek khalish ka junoon mein pehle
Phir us junoon ka badh kar suroor ho jaana
Jo tum ko dekh ke talwar phenk doon apni
Toh mere qatl mein shamil zaroor ho jaana
Ek aisa aks ubharna ke jis ki haddat se
Tamaam sheesha dil choor choor ho jaana
Yeh maante hi ke hai paar is ka na mumkin
Woh be-kinaar samandar uboor ho jaana
Sharaab di thi jo mujh ko tumhari furqat ne
Wohi sharaab, sharaab-e-tahoor ho jaana
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں