وہی امید وہی انتظار لے آئی — امیر امام
شاعر
وہی امید وہی انتظار لے آئی
وہی امید وہی انتظار لے آئی
نئی ہوا بھی پرانا غبار لے آئی
کسی سے لے لئے منظر کسی سے بینائی
کسی سے زندگی آنکھیں ادھار لے آئی
چلو یہاں سے کہ صحرا کی خاک بھی آخر
تمام شہر کے نقش و نگار لے آئی
تری تلاش میں خود کو وہاں تلک لایا
جہاں تلک بھی تری رہ گزار لے آئی
شب گزشتہ مجھے اک خفیف سی آہٹ
کسی خیال کی ندی کے پار لے آئی
جہاں کی دھوپ سے کچھ اور نہ ہو سکا لیکن
ابھی سے بالوں میں چاندی کے تار لے آئی
امیر امام
Wohi umeed wohi intizaar le aayi
Wohi umeed wohi intizaar le aayi
Nayi hawa bhi purana ghubaar le aayi
Kisi se le liye manzar kisi se beenayi
Kisi se zindagi aankhein udhaar le aayi
Chalo yahan se ke sehra ki khaak bhi akhir
Tamaam shehr ke naqsh-o-nigaar le aayi
Teri talaash mein khud ko wahan talak laya
Jahan talak bhi teri rah guzaar le aayi
Shab-e-guzishta mujhe ek khafeef si aahat
Kisi khayal ki nadi ke paar le aayi
Jahan ki dhoop se kuch aur na ho saka lekin
Abhi se baalon mein chaandi ke taar le aayi
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں