یاد آنکھوں کو بہت اک خواب آئے گا — امیر امام
شاعر
یاد آنکھوں کو بہت اک خواب آئے گا
یاد آنکھوں کو بہت اک خواب آئے گا
رات ہوگی بام پر مہتاب آئے گا
خشک لب کہتے ہیں اب بارش نہیں ہوگی
چشم نم کہتی ہے اک سیلاب آئے گا
کنکری مارے گی جب اک یاد کی آہٹ
خامشی کی نہر میں گرداب آئے گا
کیوں سمندر میں کسی کاغذ کی ناؤ کو
یاد اپنے گاؤں کا تالاب آئے گا
اور دبے پاؤں ادھر آ جائے گا سورج
رات کی دیوار میں اک باب آئے گا
امیر امام
Yaad aankhon ko bahut ek khwab aayega
Yaad aankhon ko bahut ek khwab aayega
Raat hogi baam par mahtaab aayega
Khushk lab kehte hain ab baarish nahin hogi
Chashm-e-nam kehti hai ek sailaab aayega
Kankari maaregi jab ek yaad ki aahaṭ
Khamoshi ki nahar mein girdaab aayega
Kyoon samandar mein kisi kaaghaz ki naao ko
Yaad apne gaaoñ ka talaab aayega
Aur dabe paaoñ idhar aa jayega suraj
Raat ki deewar mein ek baab aayega
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں