یہ کسی شخص کو کھونے کی تلافی ٹھہرا — امیر امام
شاعر
یہ کسی شخص کو کھونے کی تلافی ٹھہرا
یہ کسی شخص کو کھونے کی تلافی ٹھہرا
میرا ہونا مرے ہونے میں اضافی ٹھہرا
جرم آدم تری پاداش تھی دنیا ساری
آخرش ہر کوئی حق دار معافی ٹھہرا
یہ ہے تفصیل کہ یک لمحۂ حیرت تھا کوئی
مختصر یہ کہ مری عمر کو کافی ٹھہرا
کچھ عیاں ہو نہ سکا تھا تری آنکھوں جیسا
وہ بدن ہو کے برہنہ بھی غلافی ٹھہرا
جب زمیں گھوم رہی ہو تو ٹھہرنا کیسا
کوئی ٹھہرا تو ٹھہرنے کے منافی ٹھہرا
قافیہ ملتے گئے عمر غزل ہوتی گئی
اور چہرہ ترا بنیاد قوافی ٹھہرا
امیر امام
Yeh kisi shakhs ko khone ki talafi thehra
Yeh kisi shakhs ko khone ki talafi thehra
Mera hona mere hone mein izafi thehra
Jurm-e-Adam teri padash thi duniya saari
Aakhirash har koi haqdar muafi thehra
Yeh hai tafseel ke yak lamha-e-hairat tha koi
Mukhtasar yeh ke meri umar ko kaafi thehra
Kuch ayan ho na saka tha teri aankhon jaisa
Woh badan ho ke barhana bhi ghilafi thehra
Jab zameen ghoom rahi ho to theharna kaisa
Koi thehra to theharne ke munafi thehra
Qafiya milte gaye umar ghazal hoti gayi
Aur chehra tera buniyad-e-qawafi thehra
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں