یوں مرے ہونے کو مجھ پر آشکار اس نے کیا — امیر امام
شاعر
یوں مرے ہونے کو مجھ پر آشکار اس نے کیا
یوں مرے ہونے کو مجھ پر آشکار اس نے کیا
مجھ میں پوشیدہ کسی دریا کو پار اس نے کیا
پہلے صحرا سے مجھے لایا سمندر کی طرف
ناؤ پر کاغذ کی پھر مجھ کو سوار اس نے کیا
میں تھا اک آواز مجھ کو خامشی سے توڑ کر
کرچیوں کو دیر تک میری شمار اس نے کیا
دن چڑھا تو دھوپ کی مجھ کو صلیبیں دے گیا
رات آئی تو مرے بستر کو دار اس نے کیا
جس کو اس نے روشنی سمجھا تھا میری دھوپ تھی
شام ہونے کا مری پھر انتظار اس نے کیا
دیر تک بنتا رہا آنکھوں کے کرگھے پر مجھے
بن گیا جب میں تو مجھ کو تار تار اس نے کیا
امیر امام
Yun mere hone ko mujh par aashkar us ne kiya
Yun mere hone ko mujh par aashkar us ne kiya
Mujh mein posheeda kisi darya ko paar us ne kiya
Pehle sehra se mujhe laya samandar ki taraf
Nao par kagaz ki phir mujh ko sawar us ne kiya
Main tha ik awaaz mujh ko khamoshi se tod kar
Kirchiyon ko der tak meri shumaar us ne kiya
Din chadha to dhoop ki mujh ko saleebein de gaya
Raat aayi to mere bistar ko daar us ne kiya
Jis ko us ne roshni samjha tha meri dhoop thi
Shaam hone ka meri phir intezar us ne kiya
Der tak banta raha aankhon ke karghay par mujhe
Ban gaya jab main to mujh ko taar taar us ne kiya
شاعر کے بارے میں
امیر امام معاصر اردو شاعری کے اُن اہم اور ممتاز شعرا میں شمار ہوتے ہیں جنہوں نے جدید اردو غزل کو ایک تازہ احساس، منفرد لہجہ اور فکری گہرائی عطا کی۔ وہ 30 جون 1984ء کو سنبھل، اتر پردیش، ہندوستان میں پیدا ہوئے۔ ابتدائی عمر ہی سے ادب اور شعر و سخن سے شغف رکھتے تھے، چنانچہ بعد ازاں انہوں نے انگریزی ادب میں ماسٹرز ڈگری حاصل کی۔ انگریزی ادب کے وسیع مط...
مکمل تعارف پڑھیں