ابھی زمین کو سودا بہت سروں کا ہے — اسد بدایونی
شاعر
ابھی زمین کو سودا بہت سروں کا ہے
ابھی زمین کو سودا بہت سروں کا ہے
جماؤ دونوں محاذوں پہ لشکروں کا ہے
کسی خیال کسی خواب کے سوا کیا ہیں
وہ بستیاں کہ جہاں سلسلہ گھروں کا ہے
افق پہ جانے یہ کیا شے طلوع ہوتی ہے
سماں عجیب پر اسرار پیکروں کا ہے
یہ شہر چھوڑ کے جانا بھی معرکہ ہوگا
عجیب ربط عمارت سے پتھروں کا ہے
وہ ایک پھول جو بہتا ہے سطح دریا پر
اسے خبر ہے کہ کیا دکھ شناوروں کا ہے
اتر گیا ہے وہ دریا جو تھا چڑھاؤ پر
بس اب جماؤ کناروں پہ پتھروں کا ہے
Abhi zameen ko sauda bohot saron ka hai
Abhi zameen ko sauda bohot saron ka hai
Jamao donon mahazon pe lashkaron ka hai
Kisi khayal kisi khwab ke siwa kya hain
Woh bastiyan ke jahan silsila gharon ka hai
Ufaq pe jaane yeh kya shai tulu hoti hai
Sama ajib pur-israr paikarooñ ka hai
Yeh shahar chhod ke jaana bhi marka hoga
Ajib rabt imarat se pattharon ka hai
Woh ek phool jo behta hai satah-e-darya par
Use khabar hai ke kya dukh shanawaron ka hai
Utar gaya hai woh darya jo tha chadhaw par
Bas ab jamao kinaron pe pattharon ka hai