بارش کی نظم — اسعد بدایونی
شاعر
بارش کی نظم
یہ منحوس بارش
جواں سال گیہوں کے دانوں کو
کیچڑ کا حصہ بنانے
مرے گاؤں میں ہر برس کی طرح
آج پھر آ گئی ہے
وہ گیہوں کے خوشے جو کھلیان میں
دھوپ کے دیوتا کی عبادت میں
مصروف تھے
ان کو بارش نے آغوش میں لے لیا ہے
ہر اک کھیت میں کتنا پانی بھرا ہے
بھوک اپنی مٹا کر
یہ بارش چلی جائے گی
اور سب کھیت خالی کے خالی رہیں گے
میں نے بارش کے چہرے پہ لکھا ہر اک واقعہ
پڑھ لیا ہے
Barish ki nazm
Yeh manhoos barish
Jawan-saal gehun ke daanon ko
Keechad ka hissa banane
Mere gaon mein har baras ki tarah
Aaj phir aa gayi hai
Woh gehun ke khushe jo khaliyaan mein
Dhoop ke devta ki ibadat mein
Masroof the
Un ko barish ne aghosh mein le liya hai
Har ek khet mein kitna pani bhara hai
Bhook apni mita kar
Yeh barish chali jayegi
Aur sab khet khaali ke khaali rahenge
Maine barish ke chehre pe likha har ek waqia
Padh liya hai
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں