ایک نظم — اسعد بدایونی
شاعر
ایک نظم
کون سوچے کہ سورج کے ہاتھوں میں کیا ہے
ہواؤں کی تحریر پڑھنے کی فرصت کسی کو نہیں
کون ڈھونڈے
فضاؤں میں تحلیل رستہ
کون گزرے سوچ کے ساحلوں سے
خواہشوں کی سلگتی ہوئی ریت کو
کون ہاتھوں میں لے
کون اترے سمندر کی گہرائیوں میں
چاندنی کی جواں انگلیوں میں
انگلیاں کون ڈالے
کون سمجھے مرے فلسفے کو
جلد ہی یہ سفر ختم ہونے کو ہے
کسی بے نام و نشاں لمحے میں دل چاہتا ہے
دوریاں بس مری مٹھی میں سمٹ کر رہ جائیں
ڈوریاں خیمہ تنہائی کی کٹ کر رہ جائیں
Ek nazm
Kaun soche ke suraj ke haathon mein kya hai
Hawaon ki tehreer padhne ki fursat kisi ko nahin
Kaun dhoonde
Fazaon mein tehleel rasta
Kaun guzre soch ke sahilon se
Khwahishon ki sulagti hui rait ko
Kaun haathon mein le
Kaun utre samundar ki gehraiyon mein
Chandni ki jawan ungliyon mein
Ungliyan kaun daale
Kaun samjhe mere falsafe ko
Jald hi yeh safar khatm hone ko hai
Kisi be-naam-o-nishan lamhe mein dil chahta hai
Dooriyan bas meri mutthi mein simat kar reh jaayen
Dooriyan khema-e-tanhai ki kat kar reh jaayen
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں