ہم اہل خوف — اسد بدایونی
شاعر
ہم اہل خوف
یہی تھکن کہ جو ان بستیوں پہ چھائی ہے
اتر نہ جائے پرندوں کے شہپروں میں بھی
یہ ٹوٹے پھوٹے مکانات اونگھتے چھپر
چراغ شام کی دھندلی سی روشنی کے امیں
نہ ان کا یار کوئی ہے نہ کوئی نکتہ چیں
نہ جانے کب کوئی دست ستم ادھر آ جائے
اور اس ذرا سی بچی روشنی کو کھا جائے
یہ کھلکھلاتے ہوئے ہنستے مسکراتے لوگ
بسوں میں ریلوں میں منزل کی سمت جاتے لوگ
کوئی دھماکہ انہیں جانے کب اڑا جائے
لہو کے دھبوں پہ افسوس کرتا حاکم شہر
اور اس کے بعد محبت پہ چند تقریریں
جو اہل شہر کی پیشانیوں پہ روشن ہیں
ملال یہ ہے کہ اس کو کوئی نہ دیکھے گا
ہم اہل خوف کے سینوں میں جو دھڑکتا ہے
Hum Ahl-e-Khauf
Yehi thakan ke jo un bastiyon pe chhayi hai
Utar na jaaye parindon ke shahparon mein bhi
Yeh toote phoote makanat oonghte chappar
Chiragh-e-shaam ki dhundli si roshni ke ameen
Na un ka yaar koi hai na koi nukta-cheen
Na jaane kab koi dast-e-sitam idhar aa jaaye
Aur us zara si bachi roshni ko kha jaaye
Yeh khilkhilate hue hanste muskurate log
Buson mein railoan mein manzil ki simt jaate log
Koi dhamaka unhein jaane kab uda jaaye
Lahoo ke dhabbhon pe afsos karta hakim-e-shahar
Aur us ke baad muhabbat pe chand taqreerain
Jo ahl-e-shahar ki peshaniyon pe roshan hain
Malal yeh hai ke us ko koi na dekhega
Hum ahl-e-khauf ke seenoan mein jo dhadakta hai