بچھڑ کے تجھ سے کسی دوسرے پہ مرنا ہے — اسد بدایونی
شاعر
بچھڑ کے تجھ سے کسی دوسرے پہ مرنا ہے
بچھڑ کے تجھ سے کسی دوسرے پہ مرنا ہے
یہ تجربہ بھی اسی زندگی میں کرنا ہے
ہوا درختوں سے کہتی ہے دکھ کے لہجے میں
ابھی مجھے کئی صحراؤں سے گزرنا ہے
میں منظروں کے گھنے پن سے خوف کھاتا ہوں
فنا کو دست محبت یہاں بھی دھرنا ہے
تلاش رزق میں دریا کے پنچھیوں کی طرح
تمام عمر مجھے ڈوبنا ابھرنا ہے
اداسیوں کے خد و خال سے جو واقف ہو
اک ایسے شخص کو اکثر تلاش کرنا ہے
BichhaḌ ke tujh se kisī dūsre pe marnā hai
BichhaḌ ke tujh se kisī dūsre pe marnā hai
Ye tajurbā bhī usī zindagī meñ karnā hai
Havā darakhtoñ se kahtī hai dukh ke lahje meñ
Abhī mujhe kaī sahrāoñ se guzarnā hai
Maiñ manzaroñ ke ghane-pan se khauf khātā huuñ
Fanā ko dast-e-mohabbat yahāñ bhī dharnā hai
Talāsh-e-rizq meñ dariyā ke panchhiyoñ kī tarah
Tamām umr mujhe ḍūbnā ubharnā hai
Udāsiyoñ ke khad-o-khaal se jo wāqif ho
Ik aise shaḳhs ko aksar talāsh karnā hai