دل و نظر کو لہو میں ڈبونا آتا ہے — اسد بدایونی
شاعر
دل و نظر کو لہو میں ڈبونا آتا ہے
دل و نظر کو لہو میں ڈبونا آتا ہے
نہ اب ہنسی ہمیں آئے نہ رونا آتا ہے
ہوا کے ہاتھ چراغوں سے کھیلتے ہیں یوں ہی
کہ ہاتھ بچوں کے جیسے کھلونا آتا ہے
ہم اہل زر کے دروں پر قدم نہیں رکھتے
گدائے خاک ہیں مٹی پہ سونا آتا ہے
خمار در بدری چین سے نہ رہنے دے
جو خواب آتا ہے اکثر سلونا آتا ہے
غزل کے شعر ہیں مفرد مگر وہ شاعر ہے
جسے سب ایک لڑی میں پرونا آتا ہے
Dil o nazar ko lahoo mein dubona aata hai
Dil o nazar ko lahoo mein dubona aata hai
Na ab hansi humein aaye na rona aata hai
Hawa ke haath charaaghon se khelte hain yoon hi
Ke haath bachchon ke jaise khilona aata hai
Hum ahl-e-zar ke daron par qadam nahin rakhte
Gada-e-khaak hain mitti pe sona aata hai
Khumaar-e-dar-ba-dari chain se na rehne de
Jo khwaab aata hai aksar salona aata hai
Ghazal ke sher hain mufrad magar woh shaayer hai
Jise sab ek ladi mein pirona aata hai