دیار عشق کی شمعیں جلا تو سکتے ہیں — اسد بدایونی
شاعر
دیار عشق کی شمعیں جلا تو سکتے ہیں
دیار عشق کی شمعیں جلا تو سکتے ہیں
خوشی ملے نہ ملے مسکرا تو سکتے ہیں
ہمیشہ وصل میسر ہو یہ ضروری نہیں
دو ایک دن کو ترے پاس آ تو سکتے ہیں
جو راز عشق ہے ان کو چھپائیں گے لیکن
جو داغ عشق ہیں سب کو دکھا تو سکتے ہیں
ہم امتحان میں ناکام ہوں یہ رنج نہیں
اسی میں خوش ہیں کہ وہ آزما تو سکتے ہیں
نسیم صبح کے جھونکے ہیں خوش گوار مگر
کبھی کبھی یہ دلوں کو دکھا تو سکتے ہیں
یہی بہت ہے کہ اس خار زار دنیا میں
تجھے ہم اپنے گلے سے لگا تو سکتے ہیں
Diyār-e-ishq kī sham'eñ jalā to sakte haiñ
Diyār-e-ishq kī sham'eñ jalā to sakte haiñ
Khushī mile na mile muskurā to sakte haiñ
Hamesha vasl muyassar ho ye zarūrī nahīñ
Do ek din ko tere paas ā to sakte haiñ
Jo rāz-e-ishq hai un ko chhupā.eñge lekin
Jo dāġh-e-ishq haiñ sab ko dikhā to sakte haiñ
Ham imtihān meñ nākām hoñ ye rañj nahīñ
Isī meñ khush haiñ ki vo āzmā to sakte haiñ
Nasīm-e-sub.h ke jhoñke haiñ khush-gavār magar
Kabhī kabhī ye diloñ ko dukhā to sakte haiñ
Yahī bahut hai ki is ḳhār-zār duniyā meñ
Tujhe ham apne gale se lagā to sakte haiñ