ہر اک یقین کو ہم نے گماں بنا دیا ہے — اسعد بدایونی
شاعر
ہر اک یقین کو ہم نے گماں بنا دیا ہے
ہر اک یقین کو ہم نے گماں بنا دیا ہے
تھے جس زمیں پہ اسے آسماں بنا دیا ہے
ہم ایسے خانہ خرابوں سے اور کیا بنتا
کسی سے سلسلۂ ربط جاں بنا دیا ہے
ہمارے شعر ہمارے خیال کچھ یوں ہیں
خلا میں جیسے کسی نے مکاں بنا دیا ہے
محبتوں کے امینوں کی ہیں وہ آوازیں
کہ جن کو خلق نے شور سگاں بنا دیا ہے
زمیں تو پوری طرح ہم بھی دیکھ سکتے ہیں
فلک کو اس نے مگر بے کراں بنا دیا ہے
Har ek yaqeen ko hum ne gumaan bana diya hai
Har ek yaqeen ko hum ne gumaan bana diya hai
The jis zameen pe usay aasmaan bana diya hai
Hum aise khaana kharaabon se aur kya banta
Kisi se silsila-e-rabt-e-jaan bana diya hai
Hamaare sher hamaare khayaal kuch yoon hain
Khala mein jaise kisi ne makaan bana diya hai
Mohabbaton ke ameenon ki hain woh awaazein
Ke jin ko khalq ne shor-e-sagaan bana diya hai
Zameen to poori tarah hum bhi dekh sakte hain
Falak ko us ne magar be-karaan bana diya hai
شاعر کے بارے میں
اسد بدایونی جدید اردو شاعری کے اہم، سنجیدہ اور معتبر شعرا میں شمار ہوتے ہیں، جنہوں نے اپنی فکری گہرائی، تہذیبی شعور اور علامتی اسلوب کے باعث ادبی د...
مکمل تعارف پڑھیں