ہوا کے پاس بس اک تازیانہ ہوتا ہے — اسد بدایونی
شاعر
ہوا کے پاس بس اک تازیانہ ہوتا ہے
ہوا کے پاس بس اک تازیانہ ہوتا ہے
اسی سے شہر و شجر کو ڈرانا ہوتا ہے
وہ ساری باتیں میں احباب ہی سے کہتا ہوں
مجھے حریف کو جو کچھ سنانا ہوتا ہے
منافقوں میں شب و روز بھی گزارتا ہوں
اور ان کی زد سے بھی خود کو بچانا ہوتا ہے
کتاب عمر بھری جا رہی ہے لیکن کیوں
نہ کوئی لفظ نہ چہرہ پرانا ہوتا ہے
وہاں بھی مجھ کو خدا سر بلند رکھتا ہے
جہاں سروں کو جھکائے زمانہ ہوتا ہے
Havā ke paas bas ik tāziyāna hotā hai
Havā ke paas bas ik tāziyāna hotā hai
Isī se shahar-o-shajar ko Darānā hotā hai
Vo sārī bāteñ maiñ ahbāb hī se kahtā huuñ
Mujhe harīf ko jo kuchh sunānā hotā hai
Munāfiqoñ meñ shab-o-roz bhī guzārtā huuñ
Aur un kī zad se bhī ḳhud ko bachānā hotā hai
Kitāb-e-umr bharī jā rahī hai lekin kyuuñ
Na koī lafz na chehrā purānā hotā hai
Vahāñ bhī mujh ko ḳhudā sar buland rakhtā hai
Jahāñ saroñ ko jhukā.e zamāna hotā hai