ہم اپنے ہجر میں اپنے وصال میں گم ہیں — اسد بدایونی
شاعر
ہم اپنے ہجر میں اپنے وصال میں گم ہیں
ہم اپنے ہجر میں اپنے وصال میں گم ہیں
وہ سوچتا ہے کہ اس کے خیال میں گم ہیں
ہر ایک لمحۂ لذت حساب مانگتا ہے
سو ہم بھی سب کی طرح اک سوال میں گم ہیں
شفق کی آنکھ کسے رو رہی ہے مدت سے
دیار و دشت سبھی کس ملال میں گم ہیں
رتوں کے دائرے کیوں آج تک سلامت ہیں
تمام سلسلے کیوں ماہ و سال میں گم ہیں
یہ چاند جھیل کے پانی سے ہم کلام ہے کیوں
کنارے کس لیے رنج و ملال میں گم ہیں
Hum apne hijr mein apne visaal mein gum hain
Hum apne hijr mein apne visaal mein gum hain
Wo sochta hai ke us ke khayal mein gum hain
Har ek lamha lazzat-e-hisab mangta hai
So hum bhi sab ki tarah ek sawal mein gum hain
Shafaq ki aankh kise ro rahi hai muddat se
Dayar-o-dasht sabhi kis malaal mein gum hain
Ruton ke daayre kyun aaj tak salamat hain
Tamam silsile kyun mah-o-saal mein gum hain
Ye chand jheel ke pani se hum-kalam hai kyun
Kinare kis liye ranj-o-malaal mein gum hain