اس ابر سے بھی قباحت زیادہ ہوتی ہے — اسد بدایونی
شاعر
اس ابر سے بھی قباحت زیادہ ہوتی ہے
اس ابر سے بھی قباحت زیادہ ہوتی ہے
جسے برسنے کی عادت زیادہ ہوتی ہے
وہ آبشار ہیں اس کے لبوں میں پوشیدہ
کہ جن سے پیاس کی شدت زیادہ ہوتی ہے
وہ میرے پاس نہ آنے کو دیتا ہے ترجیح
جب اس کو میری ضرورت زیادہ ہوتی ہے
رہوں جو گھر میں تو تنہائی کاٹنے آئے
چلوں جو راہ تو وحشت زیادہ ہوتی ہے
میں اک شجر ہوں مگر برگ و بار سے آزاد
ہوا کی مجھ پہ عنایت زیادہ ہوتی ہے
یہاں ہمارے بھی دن تھے بزرگ کہتے ہیں
نئے لہو میں بغاوت زیادہ ہوتی ہے
Is abr se bhi qabahat zyada hoti hai
Is abr se bhi qabahat zyada hoti hai
Jise barasne ki aadat zyada hoti hai
Woh aabshar hain us ke labon mein poshida
Ke jin se pyaas ki shiddat zyada hoti hai
Woh mere paas na aane ko deta hai tarjeeh
Jab us ko meri zarurat zyada hoti hai
Rahun jo ghar mein to tanhai kaatne aaye
Chalun jo raah to wahshat zyada hoti hai
Main ek shajar hoon magar barg-o-bar se azad
Hawa ki mujh pe inayat zyada hoti hai
Yahan hamare bhi din the buzurg kehte hain
Naye lahoo mein baghawat zyada hoti hai