عشق میں ہجر کے صدمے بھی اٹھائے نہیں ہیں — اسد بدایونی
شاعر
عشق میں ہجر کے صدمے بھی اٹھائے نہیں ہیں
عشق میں ہجر کے صدمے بھی اٹھائے نہیں ہیں
اپنی مرضی سے تو ہم دشت میں آئے نہیں ہیں
اپنا کاسہ بھی تہی اپنا کدو بھی خالی
داغ دیدار و ہوس دل پہ لگائے نہیں ہیں
ہم سے مایوس نہ ہو شمع شبستان خیال
ہم ابھی خاک کے سینے میں سمائے نہیں ہیں
اب کسی سمت سے خوشبو نہیں آتی ہم تک
کاغذی پھول بھی طاقوں میں سجائے نہیں ہیں
اک دکاں کھول کے بازار کا رخ دیکھنا ہے
ابھی آئین تجارت کے بنائے نہیں ہیں
حرمت حرف کی تفسیر بنانے والو
ہم کسی اور ستارے سے تو آئے نہیں ہیں
Ishq mein hijr ke sadme bhi uthaaye nahin hain
Ishq mein hijr ke sadme bhi uthaaye nahin hain
Apni marzi se to hum dasht mein aaye nahin hain
Apna kasa bhi tahi apna kadu bhi khali
Dagh-e-deedar-o-hawas dil pe lagaye nahin hain
Hum se mayus na ho shama-e-shabistan-e-khayal
Hum abhi khak ke seene mein samaye nahin hain
Ab kisi simt se khushboo nahin aati hum tak
Kaghazi phool bhi taqon mein sajaye nahin hain
Ek dukan khol ke bazaar ka rukh dekhna hai
Abhi aain-e-tijarat ke banaye nahin hain
Hurmat-e-harf ki tafseer banane walo
Hum kisi aur sitare se to aaye nahin hain